завтра маме предстоит операция...
Просьбы о помощи и молитвахОчень прошу помолиться за нее!
Молитва перед хирургическим действием
Владыко Вседержителю, Святый Царю, наказуяй и не умерщвляяй, утверждаяй низпадающия, и возводяй низверженныя, телесныя человеков скорби исправляяй, молимся Тебе, Боже наш, раба Твоего (Наталию) немощствующа посети милостию Твоею, прости ей всякое согрешение вольное и невольное.
Ей, Господи, врачебную Твою силу с Небесе низпосли еже управити ум и руку раба Твоего лекаря Сергия да нуждную хирургию сотворит благополучно, яко телесному недугу больнаго раба Твоего Наталию совершенно исцелитися, и всякому нашествию неприязненному далеко отгнану быти от него.
Воздвигни его от одра болезненного и даруй его здрава душею и телом Церкви Твоей благоугождающа.
Ты бо еси Бог милостивый и Тебе славу возсылаем Отцу, и Сыну, и Святому Духу, ныне и присно, и во веки веков. Аминь.
О болящих
Тропарь, глас 4-й
Скорый в заступлении един сый, Христе, скорое свыше покажи посещение страждущему рабу Твоему, и избави от недуг и горьких болезней; и воздвигни во еже пети Тя и славити непрестанно, молитвами Богородицы, Едине Человеколюбче.
Тропарь, глас 4-й
Призри милостивно, Господи, милосердным Твоим оком на смиренное наше моление. И не презрев его, человеколюбно посети болезнию одержимую рабу Твою и силою Твоего благосердия воздвигни его молитвами Богородицы, едине Человеколюбче.
Кондак, глас 2-й
На одре болезни лежащаго и смертною раною уязвленнаго, якоже иногда воздвигл еси, Спасе, Петрову тещу и разслабленнаго на одре носимаго; сице и ныне, Милосерде, страждущаго посети и исцели: Ты бо един еси недуги и болезни рода нашего понесый и вся могий, яко Многомилостив.
Молитва пред иконою «Всецарица» («Пантанасса»)
Всеблагая, досточудная Богородице, Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси, Ты за мя умоли. Да прославляю преславное имя Твое всегда, ныне и в безконечныя веки. Аминь.
Радуйся, Всецарице, недуги наша благодатию исцеляющая!